Wederom een gedicht van stadsdichter Victor Croux
"Aajd-Rèkem" door Victor Croux
Ien Apreel al ruim verkóze Tot sjoenste van het Limburgs laand
Geijt Aajt-Rèkem nów de finale spele
Vanaaf de Maas tot aan het Noordziestraand
Zoeas bij väöl van dei finaliste Valle de kestiele zeker in de smaok
Mèh zoe e prachtig Poortgebouw daobij presentere
Dat ès toch nog 'n aander zaok
Zoe ès ouch de Museumkèrrek 'n gevaal apaort
'T ès bekan e stökske hiemel hei op aarde
Want ederein dae hei binne keump
Steit vol bewóndering vur wat me hei allemaol bewaarde
Mèh ouch de sjoen Ucoverpoort
Al lik ze wel get aafgesjeije
Ès e monumeent um òs te bezinne
Want 't ès 'n ech symbool van vreuger tije
En zoe zien nog hiel get dörrepe ien ós lendsje
Dei hun waerde en aafkóms al lang höbbe beweze
Mèh vur het allersjoenste dörrep van Vlaanderen
Dao kin me allein toch mer Aajd-Rèkem vur keze
